Azoka Nagusiko jaietan egin zuten zezenketa komikoa filmatu eta muntaketa egin ostean, DVDa denek batera ikusi zuten ikuskizunean parte hartu zutenek. Ostatu tabernan noizean behin botatzen dute eta nahi duenak bertan dauka eskuragarri.
Elorrioko IKB enpresak egindako lana 12 euroren truke eros daiteke. Nahi duenak izena eman beharko du Ostatuan bertan eta ondoren, zezenketaren antolatzaileek kopiak aterako dituzte. Zezenketa bera ez ezik, prestaketa, kaleko irudiak... daude DVDan.