Elgetarrek Asentzio Eguna prestatzen dihardute dagoeneko

Elgetako gaztetxea Asentzio Eguna prestatzen ari da. Maiatzaren 21erako, domeka, egin dute urteroko hitzordua Asentzion. Aurretik, barikurako kontzertua antolatu dute gaztetxekoek, Etxe, Sei Urte eta The Solanos taldeekin. 22:30ean hasiko da.

Asentzio Egunean, Elgetako umeen dantza saioa (11:30ean), baltsa lehiaketa (12:30ean) eta herri bazkaria (14:30ean) egingo dituzte. Urtero legez pintxoak eta salda eskainiko dituzte Gure Borda elkartean, gaztetxekoek barra jarriko dute Asentzion eta herriko trikitilariek giroa alaituko dute.

Baltsa lehiaketan edo herri bazkarian izena emateko epea zabalik dago Elgetako Haizea tabernan. Bazkaria 10 euro da. Baltsa lehiaketarako talde bakoitzak bere baltsa prestatu beharko du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.