AYA lantegia bota dute

Errepidearen eta Torrealdearen artean zegoen AYA lantegia itxi zutela urte asko pasa dira. Biltegi moduan hainbat urtetan erabili badute ere, asteon bota egin dute eraikina.

Inguru horretan babes ofizialeko etxebizitzak eraikiko dituzte; orain Torrealdeako etxebizitzak dauden lerro berean. Zortzi etxebizitza izango dira guztira. Beste eraikin batean 12 etxebizitza egingo dituzte.

Beraz, AYA lantegia zegoen lekua urbanizazio lanak egiteko erabiliko dute, hau da, behin etxeak eraikita kalea edo espaloia egingo dute bertan.

Zozketa

Udaletik jakinarazi dute babes ofizialeko etxebizitzen zozketan parte hartzeko zerrenda 15 egunetan gertu egongo dela. Ondoren, zozketa egingo dute maitzeko azken astean edo ekaineko lehenengoan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.