Zapatuetan 16:00etatik 22:00etara egongo da zabalik, eta domeka eta jaiegunetan, berriz, 16:00etatik 21:00etara zabalduko dute. Bestalde, maiatzaren azkeneko asteburura arte egongo da zabalik Gaztelekua eta izena eman nahi duten gazteek bertara joan baino ez dute.
Aisiagune baino zerbait gehiago
Merienda goxoarekin inauguratu zuten zapatuan Gaztelekua eta hurbildutako gazteekin batera egon ziren Patxi Basauri alkatea eta Izaskun Larrea Kultura, Euskara eta Gazteria zinegotzia. Azken horrek esandakoaren arabera, adin horretako gazteek egoteko leku bat izateaz gain, euren abilezia eta nahiak garatzeko lekua ere izango da Gaztelekua. Horretarako tailer, ikastaro eta antzekoak antolatuko dituzte eta han izango da horretan guztian laguntzeko Igor Letona zerbitzuaren arduraduna.