Parrokiako sakristian teilaberritze-lanak egin nahi dituzte eta lanok ordaintzeko eliztarren laguntza ezinbestekoa da.
Hori dela eta, diru bilketa egin dute. Juan Kruz Juaristi apaizak esan digunez, "jende asko joan zen mezatara eta elizak egindako eskariari oso erantzun ona eman zioten. Gainera, espero dugu aurrerantzean ere dirulaguntzak jasotzea". Horretarako, Kutxan 0105504443 zenbakidun kontua ireki dute, nahi duenak dirua sar dezan obra hauek egiten laguntzeko.
Egurrezko egitura
Lanak udaberrian hasteko asmoa azaldu digu Juan Kruz Juaristik.
Orain dela hamar urte inguru elizan berritze lanak egin zituzten eta orain sakristiari iritsi zaio txanda. Teilatua berritzea izango da lan nagusia: "Egurrezko egitura denboraren poderioz hondatuz joan da eta hau aldatuko dugu; beharbada teilak ere berriak ipiniko ditugu. Arrazoi nagusia itoginak saihestea da".