Ekitaldi ugarirekin gozatzeko aukera barikuan

Azaroaren 25ean, hainbat ekitaldi izango dira Elgetan. Alde batetik jazz kontzertua izango da Espaloia Kafe Antzokian. Bestetik, ipuin kontalaria liburutegian.

Pirineos Jazz Orchestra

Pirineos Jazz Orchestra

"Tam-tametik Tom-tomera"

Lekua: Espaloia Kafe Antzokia

Ordua: 22:30

Sarrera: doan

Akitania eta Euskal Herriko musikariak elkartzen dituen Pirineos Jazz Orchestra taldeak eskainiko du kontzertua Espaloian. Tam-tametik Tom-tomera ikuskizuna ordubete inguruko kontzertu didaktikoa da.

Pirineos Jazz Orchestrako musikariek, beraz, hainbat aldi eta estiloren inguruko ibilaldia egingo dute beren musikarekin: work songs, ragtime eta spirituals, rock'n roll, jazza edota swing. Hartara, urratsez urrats musika-genero horren historia biziaraziko digute berriz ere. Musika-genero horrek iraultza handia ekarri zien gaur egungo musika-modu ugariei, eta horiengan eragin handia izan du.

Aldi berean, ikus-entzunezko batek irudiak proiektatuko ditu. Irudi horietan, Europa, Afrika eta Amerikako testuinguru geografiko, historiko eta sozialaren alderdi garrantzitsuenak ispilatuko dira.

Ipuin kontalaria

Jose Maria Carrere

Lekua: Elgetako liburutegia

Ordua: 18:30

Norentzat: 10 urtetik gorako gazteentzat.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.