Hiru taldeek atzo arratsaldean jakinarazi zituzten salmentaren nondik norakoak. Akzioen %20 gorde dituzte Sidenorreko zuzendariek. %40 erosi ditu Brasilgo Gerdau konpainiak eta beste horrenbeste Espainiako Santanderrek. Akziodunei ez ezik, salmentak langileei ere mesede egingo diela uste dute Sidenorreko buruek. Hala ere, langileak arduratuta eta kezkatuta daude jabeek ez dietelako ziurtatu lanpostuak gordeko dituztela.
Bi erosle indartsu merkatuan
Erosleen indarra nabarmendu zuten atzo Sidenorreko nagusiek. Banka munduan talde garrantzitsua da Santander. Gerdau, bestalde, nazioarteko hamabigarren altzairu ekoizlerik handiena da. 29 lantegi dauzka Ameriketan urtero 16 milioi tona altzairu ekoizten ditu. Guztira, 25.000 langile ditu.
Sindenor
Sindenor altzairu konpainiak lantegi bana dauzka Basaurin, Gasteizen eta Elgetan. Egunero 1.390 langilek ateratzen dute bizimodua horietan. Elgetako lantegian, berriz, 60 langilek egiten dute lan.