Elgetan kale agerraldia egin dute goizean ELA, LAB, ESK eta STEE-EILAS sindikatuek. Jende dezente bildu da, "Lan istripu gehiagorik ez" zihoen pankartaren atzean. Ordu erdiz egon dira bilduta, Elgetako plaza parean.
Sindikatuetako ordezkariek Laneko Arriskuen Prebentzioko Legea eta Administrazio Publikoaren jarrera izan dituzte hizpide. Hainbeste lan istripu izatea onartezina dela salatu, eta beste neurri batzuk hartzeko garaia dela gaineratu dute.
Sindikatuetako ordezkariek esandakoa
Juan Ramon Garai (ESK): "Ekintza gogorragoak hasteko garaia da eta lantegietan lanuzteak eta asanbladak egin behar dira. Lan istripu asko azpikontratuen ondorioz gertatzen dira."
Luis Miguel Sainz (ELA): "Azken boaldan irakurketa berdina egiten ari gara. Irailaren 12a geroztik 5 lagun hil dira. Laneko arriskuen prebentzioko legea oso lege progresista da baina ez da praktikara eramaten. Gainera, enpresariek ez dute betetzen beste lehentasun batzuk dituztelako. Helburua produkzio azkarra dute."
Jon Garate (LAB): "Irakurketa ez da berria eta egoera lotsagarria da eraikuntza sektorean. Administrazio publikoak beste aldera begiratzen du arazo honena urrean."