Aldundiak jarriko ditu 1.260.276 euroak horrenbeste bider eskatuko saihesbidea egiteko. Horrek herri barruko trafikoa arintzea ekarriko du. Alkateak esan digunez Salbadorko 1 zenbakiaren parean piboteak jartzea da asmoa. Dendetako kamioiek izango dute giltza, eta garajeetakoek goiko aldetik sartu beharko dute. Salbador hasieran dagoen lorategitxoa kentzea ere pentsatua dago.
Oinezkoendako bidea Lasaotik
Oinezkoendako bide berria izango da. Lasao kaletik joanda izango dute beharginek biderik motzena. Lasao kalearen amaieran zebrabide bat izango da eta eskailera batzuk lantegietara joateko. Asmoa da kataitik ahalik eta jende gutxien pasatzea eta oinezkoei bidea erraztea Lasaotik.
Kiroldegira autoz joateko irtebinde bila
Aparkalekuak murriztu egingo dira kiroldegian, eta biribilgunetik ezingo da sartu zuzenean. Irtenbide baten pentsatzen dihardute eta posible da Pagatzatik bueltan bide bat zabaltzea berriz kiroldegira gerturatzeko autoz.