Domingo Iturbe kalean, gaur egun, ibilgailuak aparkatzen dituzten arren, gidariek ez dituzte modu egokian uzten autoak. Bakoitzak nahi duen bezala aparkatzen du eta gainontzeko autoak errespetatu gabe, alegia. Horrek kexa ugari ekarri ditu kaleko bizilagunen aldetik.
Behin marrak margotu ostean, Udaletik espero dute ibilgailuak behar bezala aparkatzea.
Aparkatzeko guneak aprobetxatuz
Bestalde, Berraondokuan, atzeko kaletik industria gunearen gaineko garajeetara doan bidean, ibilgailuak noizean behin baino ez dituzte aparkatzen.
Udalak, marrak margotuta lortu nahi du gidariek bertan aparkatzeko aukera izatea. Hau da, orain arte autoak aparkatzenko erabiltzen ez zen gunea aprobetxatzea nahi du Udalak.
Oraindik ez dakite lan horiek noiz egingo dituzten; baina abuztuan edo irailean izango da. Autoa bertan utzita dutenei jakinaraziko zaie ken dezaten.