Gaur egun herriko hiru gunetan daude ziburuak. Udalak komenigarritzat jo du ziburuon egoera aztertzea eta behar izanez gero konpontzea. Bestalde, aurreratu du aurten herriko beste hiru gunetan ipiniko dituztela umeendako ziburuak.
Asentzion, kiroldegiaren ondoan eta eskolaren aldamenean daude gaur egun umeendako ziburuak.
Aspaldi ipinitakoak direnez, Udalak uste du ziburuen azterketa egin beharko litzatekeela zein egoeratan dauden ikusteko. Izan ere, hondatuta egonez gero, arriskutsuak izan daitezke bertan jolasean ibiltzen diren txikiendako.
Oraindik ez dute erabaki zeinek egingo duen azterketa. Baliteke enpresa bati ematea ardura proposamena jaso baitute.
Berriak
Bestalde, aurreratu digute aurten herriko beste hiru gunetan ziburuak ipiniko dituztela: Pagatzan, baserriaren azpiko partean egingo duten aisialdi gunean; San Roke ostean eta Domingo Iturbe kaleko iturriaren ondoan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak