Liburuak 16:30etik 20:00etara bitartean izango dira plazan.
Batetik, liburu berriak jendeak ikus ditzan egongo dira bertan. Aurten liburutegian euskarazko 300etik gora liburu jaso dituzte eta gaztelaniazkoak, berriz, 30 inguru. Hala ere guztiak ezingo dituzte ipini.
Liburuak opari
Ikusteko egongo diren liburuez gain, liburutegitik erretiratutako hainbat liburu opari emango dituzte plazan.
Era honetan elgetarren irakurtzeko zaletasuna piztu nahi dute liburutegikoek. Gaur egun, 330 bazkide ditu liburutegiak, horietatik 90 14 urtetik beherakoak.