Irailetik dago martxan autobus zerbitzu berezia. Debagoienean egiten ari diren mugikortasun ikerketaren baitan probarako ipini zuten.
Autobus zerbitzuaren kostua 23.707 eurokoa. Horietatik %40a (8.093 euro) Udalak ordaintzen ditu. Bestalde, berak jasotzen du autobus txartelen salmentatik ateratako dirua.
Orain akordioa sinatu du Udalak Gipuzkoako Foru Aldundiarekin eta honen bitartez autobus zerbitzu berezi honen %60a finantzatuko du. Akordioa ikasturtea amaitu bitartekoa da; ekainera artekoa. Orduan gaia berriz aztertuko dute eta erabakiko da autobus zerbitzu berezi honekin aurrera jarraitu ala bertan behera laga.
Erabiltzaile kopurua gora
Hazienda batzordeak bultzatuta garraio publikoaren erabileraren aldeko kanpaina egin zuten eta badirudi izan duela eraginik. Urtarrilean 234 bidaiarik erabili zuten autobusa; otsailean 379 lagunek eta martxoan 375ek.
Bestalde, Udaletik jakinarazi digute Mankomunitatea ibarreko taxi zerbitzuen gaineko akordioa gertatzen ari dela, eta aztertuko dutela gaia. Izan ere, orain ez dago taxi zerbitzua eskaintzen duen ibilgailurik herrian.