Zapatuan eguerdian hasi eta gauera bitartean jai giroa izango da nagusi Elgetako gazteen artean.
Bertso-triki-poteoa egingo dute 13:00etan gaztetxean hasita herriko trikitilariekin eta Enaitz Alustiza, Jokin Labayen eta Iker Agirre bertsolariekin.
Ondoren, 14:30ean bazkaria izango da, eta bazkal ostean, ere bertsotan jardungo dute Alustizak, Labayenek eta Agirrek. Horretaz gain, Twister erraldoian jolastera animatzen direnek horretarako aukera izango dute.
Arratsaldean, 19:00ak aldera, berriz ere egongo da triki-poteoa.
Kontzertua
Gauean, berriz, The Inkult mutrikuarren eta Etxe bakarlari berriztarraren kontzertua izango da gaztetxean.
Jaia amaitzeko Bull disko jartzaileak saioa egingo du.
