Batzarraren helburua da azalpenak ematea Espaloiaren gainean. Kalean esames eta informazio oker asko dago eta bilera irekiarekin dena argitu nahi dugu, esan digute Espaloitik. Espaloia zabaldu zenetik izandako jardunaren berri ere emango dute.
Bestalde bilera egunerako Udalarekin hitzarmen bat sinatua izango dute. Udalarekin diruaz gaindi dagoen hitzarmen zorrotza dugu, azaldu digute.
Funtzionamendua
Batzar irekia izango da eta Espaloiaren gainean galderak dituen edonor joan daiteke. Funtzionamenduaren berri ere emango dute eta, eskertuko dugu norbaitek lantaldeetan parte hartzea esan digute.
Programazio trinkoa izan dute orain arte, eta erantzuna balekoa izan da. Oso gustura gaude Espaloiak ematen duenarekin. Inbertsioetara ere bideratu ditugu ahaleginak, esan dute.