Markeliñe taldearen eskutik Elgetan ikusi ahal izango den Mambru antzezlanean esan beharrekoa adierazteko ez dute inolako hitzik erabiltzen aktoreek.
Markeliñekoek eurek sortutako istorioa da. Ikusleak dibertitzea, harritzea eta hunkitzea du helburu.
Gai nagusia gerra
Gerra izango da antzezlanaren gai nagusia, baina beti ere ikuspuntu oso pertsonaletik begiratuta. Umeek, adinez txiki badira ere, badute etsaien, mugen eta abarren berri akziozko filmei esker. Lan honek a priori borrokatzera derrigortuta dauden soldaduen barru-barruko begirada izan nahi du. Itxuraz xumea baina ikusle diren umeek gerla txiki horietaz euren buruari galdetzeko proposamena.
Kontatutakoak batzuetan eurenak balira bezala hartu ditzaten saiatuko dira antzezleak eta besteetan, berriz, inorenak ez balira moduan.
Berez umeendako ikuskizuna bada ere, gurasoek ikusteko aproposa izan daiteke antolatzaileen esanetan.
Ikuskizunerako sarrerak Espaloian bertan erosi ahal izango dira bi euroren truke.