Izaskun Ojangurenek gaur Espaloia kafe antzokian izango den Danbaka musika lehiaketako hirugarren saioan hartuko du parte.
Astea entseatzen eman du Izas-ek eta bere asmoa da Espaloira doazen entzuleek bere musika gustuko izatea. Horretarako, ahalik eta saio onena egiten ahaleginduko da, nahiz eta esan duen urduri dagoela.
Kontzertua 22:30ean hasiko da eta Izas-ek ez ezik Isarevolution, Malenkonia eta Muted taldeek ere jardungo dute.
Bestalde, Danbaka lehiaketan falta den Elgetako taldearen, Ostiada Oi!-ren emanaldia abenduaren 3an izango da.