Barikuan Ados teatroaren eskutik Las mujeres de verdad tienen curvas lana ikusteko aukera egongo da 22:30ean.
Garbi Losadak zuzendutako antzezlanaren gai nagusia lodi izatearen ardura da. Jostundegi batean elkartu eta gizarteko hainbat arazo umore giroan landuko dituzte hainbat emakumek.
Zuzendariak eszenatoki errealista batean kokatuko ditu ikusleak eta komedian oinarrituz gizartearen salaketa egingo du.
Abesbatza zapatuan
Bestalde, Sustraien ahotsa abesbatzak Amodioa ikuskizuna aurkeztuko du zapatuan 22:30ean Espaloian bertan.
Hainbat kontzertu eman eta beste horrenbeste sari eskuratutako koruak Migel Zeberioren zuzendaritzapean jardungo du.