Bigarren eskuko merkatu honekin hainbat helburu lortu nahi dituzte antolatzaileek:
- Ekainaren 12an egingo den Eskola Txikien Jaira begira herrian giroa sortzea.
- Eskola Txikien Jaian herriko komunitateen inplikazioa: Ikastetxea, gurasoak, Udala eta herritarrak.
- Ikastetxean ingurumenaren inguruan lantzen ari diren proiektuarekin bat egitea.
- Baloreetan heztea.
- Eskola Txikien Jairako dirua biltzea.
Jarduerak
Azoka txikia abenduaren 10ean izango bada ere, aurrez lan asko dago egiteko; eta lan horietan lagun askok jardungo du:
Udala:
- Udaleko ordezkariek taberna antolatu beharko dute eta baita azokako postuetako mahaiak ipini ere.
Ikasleak eta irakasleak:
- Herrian azokaren berri emango dute
- Materiala jaso: Azaroaren 15etik 26ra bitartean irakasleek eskolan jasoko dute 12:00etatik 13:00etara.
- Materiala sailkatu eta salneurria ipini.
- Azokako postuak prestatu eta bertan egunean saltzaile lanak egin.
- Gainontzeko herritarrak: Erosi.
Antolatzaileek herritarrak animatu nahi dituzte, bigarren eskuko gauzak ematera eta egunean bertan ere azoka txikia bisitatzera eta ahal dela erosketak egitera.