Gaur, barikua, Abiadura Handiko Trenaren gaineko bideo bat erakutsiko dute gaztetxean bertan 20:00etan eta ondoren, aditu batek hitzaldia egingo du.
Zapatuan, berriz, manifestazioa izango da Donostian AHT ez lelopean eta bertara joan nahi dutenendako autobusa egongo da. Elgetan 16:00etan plazan hartu beharko dute.
Azkenik, Abiadura Handiko Trenaren aurkako ekintzekin amaitzeko, ibilaldia antolatu dute domekarako. 09:00etan plazan elkartu eta Angiozar ingurura joango dira nahi dutenak trena pasatuko den inguruak ikustera. Ibilaldia amaituta indarrak berritzeko jatordua egingo dute 14:00etan gaztetxean.