Lau talde osatu nahi dituzte Espaloia Kafe Antzokian lau talde osatu nahi dituzte: filmak, umeak, euskara eta kultura. Horietatik kultura taldea hasi da lehen pausoak ematen.
Talde honek Espaloian egingo diren antzerki emanaldiak, dantza saioak, hitzaldiak eta kontzertuak zein izango diren erabakitzen ditu.
Programazioa zehaztuz
Bilerak egin dituzte eta hiru hilean behin programazioa gertatzea da Espaloikoen asmoa. Jadanik erabakita daude urritik abendura bitarteko hainbat emanaldi.
Kontzertuak, antzerki emanaldiak, zine kluba eta diapositibak izango dira besteak beste. Umeendako hainbat antzerki saio ere egitekotan dira.
Kultura errota
Emanaldietako batzuk Topaguneko Kultura Errota egitasmoaren bidez ekarriko dituzte Espaloia Kafe Antzokira. Kultura Errotaren zazpigarren edizioa da aurtengoa eta iazko 10.000 ikusleak gainditzea da euren asmoa.
Kultura Errotako ekitaldiak urtero Elgetara ekartzeko aukera izan da, baina leku aproposik ezean ez dituzte antolatu. Orain, Espaloian egingo dira emanaldiok, baita egitasmo honen baitakoak ez diren beste hainbat ere.
Urritik azarora arteko emanaldiak
-Urria
-7, eguena
19:00 Pili Arinen eskultura erakusketa.
-10, domeka
20:00 Jabier Muguruzaren kontzertua.
-29, barikua
22:30 Ramon Agirre eta Joserra Senperenaren antzerki musikatua.
-Azaroa
-7, domeka
20:00 Igelaren Banda taldearen kontzertua.
-12, barikua
22:30 Las mujeres de verdad tienen curvas antzezlana.
-Abendua
-9, eguena
20:00 Bixente Askasibarren diapositiba emanaldia.
- Zine kluba: Eguaztenetan 21:30ean.
- Danbaka maketa lehiaketa: Barikuetan 22:30ean (urriaren 22an hasita).