Nekazaritza ekologikoak gero eta jarraitzaile gehiago ditu gurean, eta hainbat ikastaro antolatu izan dira Debagoieneko hainbat herritan. Irail eta urrian, ikastaro berri bat egiteko aukera izango dute interesa dutenek, Elgetan. Izenemate epea zabaldu du dagoeneko Ekonekazaritza elkarteak; horretarako, 943 76 18 00 telefonora deitu beharko duzue.
Ikastaroa hastapen mailakoa da, hau da, nekazaritza ekologikoaren nondik norakoak azalduko ditu. 20 ordukoa da: hiru orduko eskolak, eta bi orduko bisita nekazaritza ekologikoa lantzen duen bati. Honako gaiak landuko dituzte: nekazaritza ekologikoa zer den; lurra; oinarrizko teknikak; negutegiak; izurrite eta gaitzak; eta hazia zelan lortu.