Sailkapen fasea jokatuko da ekainaren 6a bitartean eta jardunaldi bakoitzean hiru partidu jokatuko dira, zazpigarren taldeak atseden hartuko du.
Behin lehen tarte hau amaituta final erdietan zein taldek jardungo duten erabakiko da. Finala, berriz, Elgetako jaiak baino lehen jokatuko da, Ekainaren amaiera aldera.
Herriko bi talde
Guztira, zazpi taldek eman dute izena txapelketan. Arrasatekoak dira bi, Bergara, Eibar eta Durangokoak talde bana eta herrikoak, berriz, beste bi dira: Txapela eta La Kokotxa, hain zuzen ere.
Iaz torneoko finalean Chievo eta Ariñiketan taldeak izan ziren eta azken ekipo honek irabazi zuen txapelketa, talde hau aurten ere jokoan izango da Elgetan baina Chievok ez du parte hartuko.
Talde txapeldunak 180 euro jasoko ditu, bigarrenak 90 euro eta gol gehien sartzen dituen jokalariak, berriz, 60 euro.