Ertzaintza izarreko errebueltan dago eta esan digutenez oraindik ez da arazoa konpondu. Bidea itxita egongo da, beraz, momentuz. Bi norantzetan gainera. Horrek eragingo ditu gidarien hainbat haserre. Garabia beharko da kamioia mugitzeko.
Konpontzekotan
Ez da lehenengo aldia esaten zaiguna errebuelta hau konponduko dutela. Oraingoan, dena den, konponduta geratuko omen da aurten bertan. Horixe adierazi digute Udaleko zenbait iturrik.
Alternatiba
Kanpazarrreko bidea erabiltzen ari dira autoak eta baita herritik pasatzen den autobusak ere. Kanpazar bidean dagoen auto kopuruak gora egin du, ezinbestean.
Garabia
Garabia joan da Elgetatik behera, baina itxura denez hobeto zen Bergaratik joatea. Beraz, Kanpazarretik buelta osoa egin behar izan du berriz.
Bideak itxita jarraitzen du goizeko 11:25 direnean
Bidea denbora luzez itxita egongo dela esan dute han zeuden Ertzainek. Ikasleekin zihoan autobusak ere ordu eta erdi egin du begira eta gero Asentziotik joan behar izan du Bergarara. Ez dakigu noiz arte egongo den bidea itxita.