Apirilaren 5eko arratsaldeko hirurak laurden gutxian abiatuko da Euskal Herriko itzuliko lehenengo etapa. Bergaran hasi eta amaituko da lehenengo etapa eta 139 kilometro izango ditu. Bergarako San Martin plazatik abiatuko dira txirrindulariak eta helmuga Ibargarai kalean izango da.
Lau Mendate ibilbidean
Lau mendate igo beharko dituzte txirrindulariek 139 kilometro horietan. Bergaratik Maltzagarako bidea hartuko dute, Debatik Itziarrera egingo dute, gero Arronara jeisteko eta handik Zestoarako bidea hartuko dute. Azpeitia eta Azkoitia igarota Gorlara egingo dute. Gero Bergarako helmugatik igaroko dira, eta Labegaraietatik saihesbidera irtengo dira. Antzuola, Deskarga, Legazpi eta Oñatitik pasatu ondoren Bergarara egingo dute berriro ere eta etaparen azken kilometroetan Asentzio igo beharko dute Angiozartik. Helmuga Ibargarai kalean egongo da.