Euskararen garaia da lemapean egingo duten mobilizaziora joateko, 30 lagunek eman beharko lukete izena, gutxienez, euskara elkarteek adierazi dutenez. Elkarteetako bazkideek hamabi euro ordaindu beharko dute izen-ematea eta bazkide ez direnek, hamabost euro.
Gutxieneko izen-ematea bermatzen bada, autobusa Aretxabaletatik irtengo da, 09:00etan, Azben; Arrasaten, Zalduspen egingo du geldialdia, 09:10ean; Elorregin, 09:15ean; eta Bergaran, 09:25ean.
Egun horretan, Baionan, animazioak eta bestelakoak egongo dira 11:00etan hasita. Manifestazioa 16:00etan izango da eta 18:00etan, berriz, gaualdia. Itzulerako autobusa 19:30ean izango da.