Lehen itxiera Arrasaten egingo dute bihar, eguaztena, 22:00etatik 06:00etara. Tarte horretan, AP-1erako 130. sarrera itxiko dute, Gasteizko noranzkoan. Ondorioz, sarrera hori erabiltzea aurreikusita zuten gidariek honako alternatibak izango dituzte: GI-627 errepidetik jarraitzea Eskoriatzako 123. lotunean AP-1ean sartzeko; edo GI-627 errepidetik Bergara hegoaldeko lotuneraino joan, eta bertan AP-1ean sartu.
Bigarren itxiera, Bergara hegoaldeko lotunean egingo dute etzi, eguena, 22:00etatik 06:00etara. Ordu tarte horretan, guztiz itxiko dute Bergara hegoaldeko lotunea Gasteizko noranzkoan. Hala, gau horretan lotune hori erabiltzea aurreikusita zuten erabiltzaileek honako alternatiba izango dute: GI-627tik jarraitzea Arrasatera arte, eta han 130. lotunea erabiltzea AP-1ean Gasteizko norabidean sartzeko. Bidegik gogorarazi du ordutegi horiek "gutxi gorabeherakoak" direla.