Yune Nogueirasek, Gaua filmean egindako lanagatik jaso du izendapena. "Haren interpretazioan bereziki nabarmentzen da keinuaren eta gorputz-adierazpenaren erabilera, hitzik gabe ere pertsonaiaren barne egoerak eta emozioak transmititzeko duen gaitasuna, filmari presentzia berezia gehituz", azaldu du Euskal Aktoreen Batasunak.
Gizonezkoen kategorian, Maspalomas filmak hiru izendapen bildu ditu, Jose Ramonn Soroiz, Kandido Uranga eta Kepa Errastiren eskutik. Hala, Errastik izendapen bikoitza lortu du aurtengo edizioan: Izan ere, antzerkian, Desobedienteak 18/98 lanagatik ere izendatu dute hautagai. "Bi formatuetan pertsonaiak sortzeko duen gaitasuna erakusten du", azpimarratu du elkarteak.