Alderdi Eguna "elkartzeko, ideiak partekatzeko eta giro onean elkarrekin egoteko" baliatu zuten bailarako jeltzaleek, ohar bidez azaldu dutenez. "Eskualdeko herri ezberdinetatik bertaratutako lagunekin eguna partekatu genuen, komunitatea sendotuz eta etorkizuneko erronkei elkarrekin begiratuz".
Jai giroan ospatu zutela nabarmendu dute. "Alderdi Egunak beste behin erakutsi zuen belaunaldi eta herri ezberdinetako jeltzaleak batzen dituen komunitate bizi baten indarra. Debagoienetik ere, ilusioz eta elkarlanerako gogoz parte hartu zuten egun berezi honetan", gaineratu dute.