Lehiaketako epaimahaiak hiru argazki aukeratu ditu; eta herritarrek Publikoaren Saria banatu dute beraien botoekin. Zorionak irabazleei eta eskerrik asko parte hartzaile guztiei!
306 argazki jaso dira aurtengo edizioan, eta horien artean hiru aukeratu behar izan dituzte epaimahaiko kideek. Publikoaren Saria hautatzeko bestalde, 100 bototik gora jaso dira, eta irabazle garbi bat nabarmendu da.
1. saria
David Martin de la Navak bidalitako argazkia, Orkatzategi, aukeratu du epaimahaiak 1. sariko irabazle moduan. Gure Ametsa jatetxearen eskutik, bi lagunendako otordua jasoko du sari moduan.
Orkatzategi. David Martin de la Nava (Aretxabaleta).
2. saria
Little Veniceko ilunabarra (Mykonos). Maider Iglesias (Arrasate)
3. saria
Jorge Murgiondo Gallastegik Umeen alaitasuna erakusten duen hondartzako argazkiarentzako izan da 3. saria. Arrasateko eta Bergarako Halcon Bidaiak-en gastatzeko 75 euroko opari-txartela.
Umeen alaitasuna. Jorge Murgiondo Gallastegi (Bergara)
Publikoaren Saria
Haritz Diaz de Gereñuren Costa Brava argazkiak lortu ditu boto gehien. Eta hala, Bergarako Elikaeneari esker, bertako eta kalitatezko produktuen saski ederra jasoko du.
Costa Brava. Haritz Diaz de Gereñu (Eskoriatza)