Urtero egiten duten topaketa "estimatua" da eta datorren urtekoa Oñatin antolatzeko lekukoa pasatuta ekin diote egunari. Taldeka banatuta, kalejiran ibili dira gero, herriko hiru gunetan emanaldi "jendetsuak eta anitzak" eginda. Elkarrekin bazkaltzeko batu dira ondoren, 400 lagunetik gora, eta arratsaldean, euren instrumentuak albo batera utzita jai giroan jarraituko dute herriko Ailiritzi taldearekin, eskarmentu handiko Xabi Solanorekin eta, gauean, Itzal erromeria taldearekin kantuan eta dantzan.