Maiatzaren 27 eta 28rako abisu laranja ezarri du Euskalmetek, Kantauri barnealdean 17 eta 33 gradu arteko tenperaturak izango direlako. Era berean, baso-sute arriskua ere handia izango dela tenperatura altuengatik adierazi du, eta horregatik, abisu horia izango da indarrean.
Gaur, martitzena, ere tenperatura altuak izan dira; minimoak: Arrasaten, 20,6 gradu; Oñatin, 15,1 gradu; Elorregin 15,7; eta Urkulun, 20,1. Eta maximoak: Arrasaten, 32,8 gradu; Oñatin, 33,3 gradu; Elorregin 35,1; eta Urkulun, 26,6.
Beroari aurre egiteko gomendioei kasu egiteko eskatu dute, bereziki adineko pertsonek, umeek eta gaixotasun kronikoak dituztenek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.