Orain arte, lehiatzeko bi modu egon dira, guztien arteko sailkapen orokorrean edo nahierara sortu daitezkeen taldeetan: herrikoa, familiakoa, lagun kuadrillakoa… Astelehenean hasita bederatzi aste iraungo duen denboraldian, lehiatzeko beste aukera bat ere izango da: hedabide-eskualdeka osatutako hamar talde; tartean, Goiena.
Talde horiek mugatuak izango dira, eta jokalari bakoitzak bakar batean eman ahalko du izena. Talde bakoitzak bere sailkapen eta barne lehia propioa izango du, eta baita hedabide bakoitzak eskainitako sariak ere, jokalarien artean zozketa bidez banatuko direnak. Denboraldiak dirauen bitartean, astero-astero, eskualdeen arteko sailkapena jakinaraziko da jokalarien sailkapenekin batera.
