Jose Ignacio Asensio diputatu nagusiorde eta Jasangarritasuneko diputatuak eta Monica Pedreira Trantsizio Ekologikoko zuzendariak adierazi dutenez, foru-bidegorrien sareak bilakaera positiboa izan du 2025 urtean; egunean 27.700 joan-etorri egiten baitira, foru-garraio publikoaren erabileraren herena, iaz baino %12,6 gehiago. Erabilera sei tartetan kontzentratzen da bereziki: Herrera-Txintxerpe, Martutene-Astigarraga, Azpeitia-Azkoitia, Tolosa-Alegia, Bergara-Elorregi eta Anoeta-Tolosa. Bergara-Elorregik 431.771 joan-etorri biltzen ditu egunero.
Bestalde, Bizikletaren Behatokiak egindako txostenak berresten du sarea ez dela aisialdirako soilik, "Gipuzkoako Bidegorrien Foru Sarea funtsezko azpiegitura da eguneroko mugikortasunerako, batez ere lanegunetan eta lanarekin, ikasketekin eta zerbitzuak eskurtazearekin lotutako joan-etorrietan erabiltzen baita".
Erabilera-moduei dagokienez, desplazamenduen %79 oinez egiten dira (8 milioi baino gehiago), eta %21 bizikletaz (2.1 milioi baino gehiago).