EITBren egoitzan egindako prentsaurreko batekin aurkeztu dituzte bideoklipa eta abestia, eta bertan izan dira Mikel Inuntziaga, Nerea Zendoia Makusiren arduraduna, Iraia Rojo Euskal Herriko Ikasleen Gurasoen konfederazioko, EHIGEko, ordezkaria eta Santurtziko eskola publikoaren komunitatearen ordezkariak.
Inuntziagak izan du letra eta doinua sortzeko ardura, eta musikari eta abeslari lanetan aritu dira, besteak beste, Onintza Enbeita, Jone Laspiur, Joxe Mari Agirretxe (Porrotx), Itziar Ituño, Roberto Moso eta Yogurinha Borova.