Amaia Balda Etxarteren lekuko hartuko du, Igone Bastarrika Salegi koordinatzaile orokor berriak, eta berarekin batera Nerea Arrese Elortza, Onintza Irigoien Azpitarte eta Oihana Jausoro Agirrek osatuko dute koordinazio lantaldea. Etapa berriari ekiteko "prest" daudela adierazi dute taldeko kideek, ekindako bideari jarraitu eta elkarrekin ikasten jarraitzea izango da egingo duten "bidearen motorra".
Gidaritza kolektiboa
Duela ia bost urte –2021eko azaroan– Emun kooperatibako gidaritza kolektiboa izango zela iragarri zuten eta adierazi dute egindako ibilbideak erakutsi duela "zailtasunak zailtasun", lidergoa kolektiboan ondu eta eramateak dakartzan ondorioak handiagoak" direla. Emun taldearen proposituari eta bezeroen beharrei erantzuteko orduan ere, gidaritza eramateko forma kolektiboak, onurak dakartzala jakinarazi dute.
Aintzindarien erreleboa
Amaia Balda Etxartek koordinatzaile orokor izateari utziko badio ere, bezeroei zerbitzua eskaintzeko Emuneko lantalde eta egitasmoetan jarraituko du aurrera begira. Azaldu dute duela ia 30 urte lan mundua euskalduntzeari ekin zion belaunaldien parte izan dela Amaia, eta ez dela makala euskal gizarteari egin dion ekarpena.
Orain arte egindako egindako ibilbideak emandakoaz "oso eskertuta" agertu da Emun kooperatiba, eta aurrera begira izango dituzte bezero eta proiektu berriekin jarraitzeko "ilusioz".