Urtero egiten duten topaketa da eta Bergarako Musika eta Dantza Eskolak izan du oraingoan antolatzeko ardura. "Bergarako musika eskolak Antzuolan ere eskaintzen ditu klaseak eta polita iruditu zitzaigun, Apirilean Musika egitarauaren baitan, topaketa Antzuolan egitea. Askotariko instrumentuak izango dira gaurko emanaldian entzungai, adin ezberdinetako ikasleekin osatutako taldeen eskutik", azaldu du Bergarako Musika eta Dantza Eskolako zuzendari Aritz Alustizak.
Ikasgeletan egiten duten lana erakusteko eta musika eskolen arteko harremana sustatzeko asmoz Aretxabaletako, Oñatiko, Bergarako, Arrasateko eta Plaentxiko musika eskoletako 40 lagun elkartuko dira bihar, egubakoitza, Antzuolako Torresoroa aretoan, 18:30ean hasita egingo duten topaketan. Ekitaldi hori guztiontzako dago zabalik.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak