Debagoiena Walking Football Elkartea, Algarven: "Lehenengo esperientzia izateko ez dago gaizki"

Debagoiena Walking Football Elkarteak walking football-eko Eurokopako partidak jokatu ditu atzo eta gaur Algarven. Nazioarteko 24 taldek hartu dute parte txapelketan eta horietako bat izan da Debagoieneko taldea. Txapelketa "oso gogorra" izan dela aitortu dute, eta haiena izan da talde misto bakarra: bi emakumek hartu dute parte. Oraindik sailkapenik ez dago, baina bi partida irabazi, sei berdindu eta lau galdu dituzte: "Lehenengo esperientzia izateko ez dago gaizki".