EHKSk Kubarako bilketa solidarioa antolatu du zapatu honetan. Bailarako herri desberdinetan egingo dituzte bilketak: Arrasaten, Eroski handian eta Sebero Altube plazan 10:00etatik 13:00etara; Aretxabaletan, Eroski handian 10:00etatik 13:00etara; Bergaran, Azokan eta Eroskin 10:00etatik 14:00etara eta Oñatin, Eroski handian, BMn eta Kooperatiban 9:00etatik 14:00etara. Mota guztietako materiala biltzeko eskatu dute:
- Material sanitarioa: 2027ko ekainetik aurrera iraungitzen diren medikamentuak, mota guztietako produktu sanitarioak, ekipo medikuak, tresneria eta baliabide kirurgikoak (pintzak, guraizeak, bisturiak, papera, hariak), eskularruak, preserbatiboak...
- Elikadura-osagarriak: bitaminak, mineralak (magnesioa, burdina, kaltzioa), gantz-azidoak (Omega 3), probiotikoak.
- Elikagai ez galkorrak: janari enlatatua (ahal dela, mailatu gabeko metala), aleak (arroza, zerealak, lekaleak), pastak, esne-hautsa, fruitu lehorrak, olioa, tomatea briketan. 2027ko urtarriletik aurrera iraungitzen direnak.
- Higiene materiala: konpresak, tampax-ak, toallatxoak, pixoihalak (haurrentzat eta helduentzat).
- Kirol materiala: baloiak, pilotak, erraketak, bizikletak, ekipamendua (kamisetak, galtza motzak, takodun motak...).
- Ikasmateriala: eskolarako materiala (arkatzak, boligrafoak, koloretako pintura eta errotuladoreak, txorroskiloak, guraizeak, koadernoak...). Testu-liburuak eta entziklopediarik ez.
- Garbitzeko materiala: erratzak, fregonak, oihalak, trapuak, espartzuak, biberoien garbitzailea...
Plaka fotovoltaikoetarako diru ekarpena egiteko aukera egongo dela adierazi du Kontseilu Sozialistak, eskudirutan bilketa postuetan edo kontu korronte bidez: ES35 3035 0134 43 1340059271.
Bilketa eskoletan
Zapatuko bilketez gain, aurreko astetik IAS ere bilketa aurrera eramaten dabil Debagoieneko eskola desberdinetan. Arrasateko Gaztelupe eta Arrasate BHIn bilketak egin dituzte; eta Bergarako Ipintzan eta Oñatiko Elkar Hezin eta Txantxiku Ikastolan bilketak egiten dabiltza.