Lourdesen (Frantzia) izendatu zuten abade 1958an, 24 urte betetzear zituela. Misioetara joateko asmoa izan arren hasiera baten, Debagoienean jardun zuen beti lanean: Bedoña auzoko parroko, Arrasateko Eskola Politeknikoan irakasle 40 urtean –erlijio, etika eta euskal kulturaren gaineko ikasgaiak irakasten–, Uribarri eta Musakola auzoetan parroko, eta 2003a ezkeroztik, Aretxabaleta eta Eskoriatzako parrokoaren ondoan. Horregatik oso ezaguna eta estimatua izan da Letona bailarako kristauen artean. Hain zuzen ere, 2008ko urrian, apaiz egin zela 50 urte betetzean, omenalditxoa eskaini zioten Eskoriatzako eta Aretxabaletako, eta hango elizateetako, parrokietako kideek.
Haren aldeko hileta elizkizuna gaur, eguaztena, izango da, 19:00etan, Aretxabaletako Andramariaren Zeruratze parrokian.