Arrasateko alkate Maider Morrasek lagunduta irten dira Eneko Carrascal atleta eta Ander Murua pilotaria Mojategiko berdegunera, 16:30ak jotzeko minutu gutxi falta zirenean. Eta, Mondrako presidente Haritz Arabiourrutia ere izan da eurekin, klubeko ordezkari moduan. Lagunak harmailetan, eta jokalariek pasilloa eginda, bi arrasatearrek elastiko zuri-morea jaso dute klubaren partetik.
Bina berdindu dute Mondrak eta Bergarak
Partiduari dagokionez, Mojategin batu direnek lau gol ikusi dituzte gaur arratsaldean. Zuri-moreak aurreratu dira Iker Perezek 22. minutuan egin duen golari esker, baina bigarren zatia hasi eta segituan, 55. minutuan, Bergarako Oier Jauregik norgehiagoka berdindu du (1-1). Arrasatekoak izan dira, berriro, partidua irabazteko hurrengo urratsa eman dutenak, Bittor Urteagaren eskutik (2-1), baina partidua luzapenean sartzeaz zegoela egin du, 90. minutuan, Aner Arriolak azken 2-2koa.
Emakumezkoen ohorezko erregionalean Bergarak eta Debagoiena Bailarak etxetik kanpora jokatu dute. Bergararrek puntu bat ekarri dute Ostadarren zelaitik, eta Debagoiena Bailarakoek zigorra jaso dute Intxaurdiren zelaian (5-1). Hala, puntua batuta bergararrek lehenengo podtuan jarraitzen dute, eta hiru puntura dute bigarren dagoen Intxaurdi.
