Arrasaten, esaterako, tentsio une txiki bat bizi izan da pikete informatiboak Lanbideko egoitzan sartu eta gutxira ertzainak agertu direnean; ertzainek gogora ekarri diete piketeak informatiboak izan behar direla, ez bortxazkoak. Piketeetako bat identifikatu ostean, ez da istilurik izan; hori bai, ertzainen furgoneta bat kalejiraren atzetik joan da ondoren.
Bestalde, deitzaileek zaintza lanetan ere jarri dute arreta: "Bizitza baina ezin da gelditu, gaur ere bizitzak sostengatzen dituzten zaintza lanak aitortu eta ikusarazi ditzagun. Bakoitzak guretik baina elkarrekin, borroka dezagun pobreziarekin amaitu eta aberastasuna banatu dadin".