Binakako Serie A-ko play-off-aren azken jardunaldia jokatu da Arrasaten, baina atarikoan, Ander Murua arrasatearrak eta Rezusta bergararrak bailarako bikotea osatu dute, eta Larrazabal eta Landa aurkari izan dituzte, lagunartekoan.
Etxekoen aurrean ezin
Arrasateko Uarkape pilotalekuko harmailak beteta izan dira gaurko jaialdian, giroa beroa izan da, eta debagoiendarrak (urdinak) ondo aritu dira etxekoen aurrean. Hala ere, Larrazabal eta Landa (gorriek) aurretik aritu dira, 13-6 une batez. Hala ere, Murua eta Rezusta ondo aritu dira eta 16-16 berdindu dute partidua. Gero, urdinak aurretik jarri dira: 17-18, eta ordurako 458 pilotakada zeramatzaten. Hala ere, azken txanpan sartu eta markagailua 20-18 izan da; gero, 21-18. Gorriek lau tanto segidan egin ostean, 21-19 jarri da markagailua eta ondoren 21-20. Azkenean, 22-20, eta Larrazabal eta Landa izan dira garaileak, ordubete eskas iraun duen partiduan.