Ezegonkortasun globalaren aurrean, Gipuzkoako ekonomiak "sendotasuna" erakutsi duela gehitu du Mendozak, 2025ean 6.075 milioi euroko zerga-bilketa lortuta, aurreko urtean baino %10,8 gehiago. Bestalde, "zuhurtzia" eskatu du, "ziurgabetasun geopolitikoa bizi dugulako gaur egun".
Itziar Agirre Ogasun diputatuak azaldu du PFEZak eta BEZak hazkunde handia izan dutela, "lurraldearen dinamismo ekonomikoa islatuz". Sozietateen gaineko zergaren jaitsiera, berriz, aurreko ekitaldiko itzulketen ondorio izan da, baina itzulketa horiek kenduta, enpresen emaitzak %15 hobetu dira.
Bestalde, Gipuzkoako udalerriek 702 milioi euro jasoko dituzte Udal Finantzaketarako Foru Funtsaren bidez 2025ean, inoizko kopururik handiena, tokiko erakundeen finantzaketa indartuz.
Hona hemen UFFFren Gipuzkoako 2025eko likidazioa, Debagoieneko herrietan.
| UDALA | AURREKONTUA 2025 | LIKIDAZIOA 2025 | LIKIDAZIO SALDOA |
| ANTZUOLA | 1.858.011,93 | 1.938.345,90 | 80.333,97 |
| ARETXABALETA | 6.422.635,87 | 6.700.328,30 | 277.692,43 |
| ARRASATE | 19.642.827,20 | 20.492.114,71 | 849.287,51 |
| BERGARA | 12.994.138,72 | 13.555.960,07 | 561.821,35 |
| ELGETA | 1.221.072,63 | 1.273.867,56 | 52.794,93 |
| ESKORIATZA | 3.767.508,20 | 3.930.402,15 | 162.893,95 |
| LEINTZ GATZAGA | 417.677,71 | 435.736,64 | 18.058,93 |
| OÑATI | 10.392.028,55 | 10.841.343,71 | 449.315,16 |