"Faxistei aurre egiteko prest" daudela adierazi zuten milaka gaztek atzo arratsaldean deitutako bi mobilizazio jendetsuetan, eta gaineratu ez dutela onartuko "diktadura frankistaren gorazarrea, Euskal Herriaren eta euskararen aurkako ideia supremazistak, etorkinen aurkako arrazakeria, eta emakumeek gizonen zerbitzuan egon behar duela dioten diskurtso matxistak". Horiek eragozteko modua "Langileen nazioarteko alderdi iraultzailea" eratzea litzateke GKSren ustez. Era berean, "faxismoari eta estatuei aurre egitearen ondorioz gatibu dauden preso guztiak" gogora ekarri dituzte, eta haientzako "amnistia osoa" eskatu.
Aldarrikapenetan hamar mila lagunek baino gehiagok hartu dituzte Bilboko eta Iruñeko kaleak, antolatzaileek emandako datuen arabera.
