Asteburu honetan lehiatu dira Arrasate Atletiko taldeko hainbat atleta Anoetako belodromoan, eta emaitza bikainak eskuratu dituzte Euskadiko txapelketan. 60 metroko proban, Ane Del Fresno aretxabaletarrak bigarren postua eskuratu zuen 7,94 segundoko denborarekin. Marka horrekin, gainera, taldeko errekor berria ezarri zuen.
Horrez gain, aurreko astean Espainiako 200 metroko txapelketara sailkatu ostean, Oihan Zulueta arrasatearrak 23 urtez azpiko kategorian (S23) 6,99 segundo behar izan zituen helmugaratzeko, eta emaitza horri esker Espainiako S23 Txapelketan parte hartzeko txartela eskuratu du. Txapelketa otsailaren 7an eta 8an jokatuko da Sabadellen.
Zapatuko proba berean, Aitor Urangak 7,13ko denbora egin zuen, eta Ander Oterok, 7,24; azken horrek, gainera, bere marka pertsonala hobetzea lortu zuen.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.