Haizea zakar ibiliko dela, bereziki Gipuzkoan eta Bizkaian, iragarri du Euskalmetek. Kostaldean espero dira haize-boladarik gogorrenak baina haizeguneak ez diren lekuetan ere igarriko da; horietan abisu horia 15:00ak arte egongo da indarrean.
Barnealdeko haizeguneetan hego/hego-mendebaldeko haize-boladek 100 kilometro orduko abiadura gaindi dezaketela eman du jakitera euskal meteorologia agentziak, batez ere mendebaldeko mendi inguruetan.
Eta Gipuzkoan, haizeguneak ez diren lekuetan hegoaldeko haize-boladak 60-80 kilometro orduko ingurukoak izan daitezke. Gauerditik 07:30era bitartean boladarik zakarrena 5:10ean neurtu du Arrasateko estazioak, 56,4 kilometro ordukoa, hain zuzen ere.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.