Debagoienako eta Debabarrenako pilota eskolen artean jokatzen da Gabon Kopa. Benjaminendako, alebinendako eta infantilendako txapelketa da.
Ligaxkako sailkapen-partiden ondoren, hauek dira finalerdietako partiduak:
- Benjamin A kategorian, Aretxabaletak Arrasateren aurka jokatuko du, eta Bergara 2k Aloña Mendi izango du aurkari.
- Benjamin B mailan, Aretxabaleta 1 eta 3 izango dira nor baino nor gehiagio, eta beste finalerdian Aloña Mendi 2 eta Arrasate.
- Alevin A mailan, Eibar 1 eta Antzuolako bikoteek finalerdietarako txartela lortu dute. Beste finalerdia Aretxabaleta 2 eta Bergararen artean jokatuko da.
- Alevin B mailan, Bergara 1ek finalerako txartela izango du jokoan Arrasate 1en aurka eta Aloña Mendi 2k gauza bera egingo du Soraluze 2ren aurka.
- Eta infantil kategoriako B mailan, Aloña Mendi 1 Arrasate 1en aurka eta Arrasate 2 Bergara 2ren aurka jokatuko dute.
- Infantil A kategorian, Aretxabaleta eta Bergara zuzenean pasa dira finalera.
63 bikote
Guztira 63 bikotek hartu dute parte aurtengo txapelketan; horietatik 55 bailarakoak. Aloña Mendi hamaika bikote aurkeztu ditu torneoan: hiru benjamin mailan, lau bikote alebinetan eta beste 4 infantil mailan. Aramaiok benjamin kategoriako bi bikote, alebinetako lau eta infantil mailako bat aurkeztu ditu. Aretxabaletak hamabi bikote: lau benjamin kategorian lehiatu dira, zazpi alebin kategorian eta bat haurrenkategorian. Arrasatek zazpi bikote aurkeztu ditu: bi benjaminenak, hiru alebinetan eta 2 infantiletan.
Bergarak hamaika bikote bikote aurkeztu ditu torneoan, hiru benjamin kategorian, bost alebin kategorian eta hiru haur kategorian. Azkenik, Antzuolak zazpi bikote izan ditu lehian; lau benjaminetan, bi alebinetan eta bat haurren mailan.