Aldundia abenduaren 9an hasiko da 2026ko foru egutegia doan banatzen, Donostiako Gipuzkoa plazako Foru Jauregiko arkupeetan. Egun horretatik aurrera, egutegia lurraldeko udalerri guztietara eramango duen ibilbide bat hasiko du, abenduaren 19ra arte.
Debagoienean, honako egunetan egingo dira banaketak:
Abenduak 11, eguena
o Leintz-Gatzaga. San Migel plaza. 10:00-11:00
o Eskoriatza. Fernando Eskoriatza plaza. 11:30-12:30
o Aretxabaleta. Herriko plaza. 13:00-14:00
o Arrasate. Seber Altube plaza. 15:30-17:30
o Oñati. Foruen enparantza. 18:00-19:00
Abenduak 12, egubakoitza
o Antzuola. Herriko plaza. 10:00-11:00
o Bergara. Herriko plaza. 11:30-13:00
o Elgeta. Mendizaleen enparantza. 15:00-16:00
Irune Berasaluze foru bozeramaileak azpimarratu duenez, iazko banaketaren "arrakastaren" ondotik dator bigarrena: "Lehen aldiz egutegia Gipuzkoa osoan banatu zen iaz, eta udalerri guztietara joango gara berriro; bereziki esanguratsua den urte honetan lurralde osora iritsiko dela bermatzeko, Aldundiaren egutegiak Gipuzkoaren begirada eta balioak jasotzen baititu".
Bailarakoen hainbat argazki jasotzen ditu egutegiak
Egutegiaren azalak erakusten duen argazkia Joserra Txintxurreta oñatiarrak ateratakoa da: Artzaintza (Oñati). Maiatzeko orria Iker Zubizarreta arrasatearrak ateratakoa da, Esnebide azpian (Urbia); eta, ekaineko orria Antonio Murillo arrasatearraren erretratua da, Dantzari (Arrasate).