EAEko Ikastoletako langileek "mobilizazio-dinamika" bat hasi dute, LAB sindikatuak egindako deialdiarekin bat eginez. Eguaztenean egindako itxialdia "presio gisa" egin dute.
2023an, Hezkuntza Lege berriaren testuinguruan sinatu zuten Eusko Jaurlaritzak eta LAB sindikatuak "hezkuntza-sistema guztiko langileen lan-baldintzak arautzeko" akordio laborala. Bada, hor sinatutako baldintzak "ez direla betetzen" argudiatuta hasiko dituzte itxialdiak. Egoera horren aurrean "konpromisoa" berretsi dute. "Lan-eskubideak defendatzea euskal eskola publiko eta komunitarioa defendatzeko modu bat da", adierazi dute.
